رحلة الخيال .... في قطار الزرقاء

من عمان إلى الزرقاء رحلة لا عالبال ولا عالخاطر


أجل

ولكن هذه المرة بالقطار


تعود أحداث الرواية إلى أول أول امبارح والدنيا كانت رمضان وكان رايح عليي باص الشركة

وروحت مواصلات

طبعاً بالطريق كل الشعب مبين عليه الصيام
وكل واحد قالب بوزه وبستنى حدا يقوله مرحبا علشان يفطر عليه



وصلت إلى مطار باصات رغدان الدولي

وبما إني متجه إلى طبربور فمريت من محاذاة الباصات النفاثة التابعة للخطوط الأوتوسترادية الزرقاوية

وكان في باز بستا مكتوب عليه الخط الحديدي الحجازي وبنادي

" عالزرقاااااااااااا بالقطار بربع ليرة



للوهلة الأولى فكرته إنجن الزلمة وإطلعت عليه بازبهللال (يعني إستخفاف مع اندهاش يعني هيك

لأنه أبوي حكالي إنه القطار مش هيك

المهم طلعت في الباص البستا من نوع فار وبالفعل وصلنا على محطة وكان فيها قطار حقيقي


أحلى من اللي كنا نشوفه على سبيس تون
ركبت فيه

وما لبث أن أطلق صافرته المعهودة إيذاناً ببدء الرحلة

وبلش يدحل


أول ما لفت انتباهي لما شفت القطار

منظر الشوفير

حاطينله عرباي 30 متر قدامه
وبصراحة كنت حاسه قاعد بالشقلوب

كان نفسي أمسكه وأسأله إذا إنه متأكد إنه قادر يشوف قدامه

بلاش يدعسله خروف عالطريق ونبلش مع أهله

الشغلة التانية اللي لفتت انتباهي إنه في ناس قاعدين بودعوا بعض

حسيت حالي إنه طالعين على سويسرا




إحم ..

وهاي القطار من جوا



حاطين فيه كراسي زي اللي قاعدين بصالون الضيوف

يعني مش ضايل غير يجيبولنا أكمن كيلو ملوخية نقطمهن على الطريق بدل ما احنا قاعدات

عذراً على رداءة الصورة بس القطار اللي طلعنا فيه صارله 100 سنة ما اشتغل

فالإهتزازات اللي فيه كفيلة بكشف الصايم من المفطر

في أول المشوار كنا مفكرين إنه ممنوع نقوم عن الكراسي بلاش نقع

بس شوي شوي صاروا الناس يطلعوا على البرندة



فقمت أخذت أكم صورة خارجيات










مناظر ساحرة أليس كذلك

أجمل ما في الموضوع منظر الأطفال قلب الحياة النابض شباب المستقبل

بمراييلهم الزرقاء

وطار قطار من فوق الزرقا





ووصلنا أخيراً إلى نهاية المطاف
محطة الزرقاء خلف مجمع باصات الزرقاء القديم

مبنى أثري


يعني الناظر إله بحس حاله عايش بفلم من أفلام ويسترن

منظر للقطار من الأمام لاحظوا الإضواو -



منظر للقطار من الخلف -


وأنشدنا لحن الرجوع الأخير على أنغام انتهى المشوار كأننا كنا بقطار

بالنهاية عنجد كتير جداً حلو ويستحق التجربة وبستاهل التضحية بربع ليرة


وأنا حكيت لأبوي يبيع السيارة ويشتريلنا قطار

بس حكالي إنه أستنى تا يمدولنا السكة لباب الدار

تسلمى حبيبتى على موضوعك
و اتمنى انى افيد و استفيد فى منتداكى
ومبرووك على المنتدى الجديد

يسلموووو كتير

يسلموووووووووووووو

يسلموا

مشكوره حبيبتي

نايس توبيك

يسعدك ربي ع المجهود الرائع