همي عظيم ..

يامل قلب(ن) مشتعل ضامره ضي




نيــــران فـــي وسطه تـــــواقد خفيه







انا اشهد اني صرت ميت وانا حي




من زود هم(ن) في حياتي الشقيه






همي عظيــم تقـول يشبه جبل طي




والا كما سيل(ن) تـحــــــدر عليه






ماشفت راحه في حياة الشقى ذي




ضيـم وكــــدر ماشفت لحظه هنيه






حاولت اعدل ماتـعــــدل معي شي




دنيا عطتني من الـبـــــلاوي هديه






اشكي لـربي مالي غيـره ابي اشكي




الـــواحد الــــي جازل(ن) بالعطيه






رب(ن) كـــريـم وقادر يزيحها لي




كل الـهـمـــــــــوم للي بقلبـي بطيه






ياالله انا طالبك والـعـيــــن تبـكي




عــوض حياتــي بالسعاده شويه






مالـي امـل ياغـــيـر رحمتك ربي




راجـيـك ياالله مارجيـت البــريه

تسلمييييييييييييييييييييييييييييييي

شكرااااااااااااااااا لك